KDI publikon fotografi shqetësuese për gjendjen e lumenjve
Instituti Demokratik i Kosovës (KDI), ka publikuar disa fotografi shqetësuese nga gjendja e lumenjve të Kosovës.
KDI thotë se këta lumenj janë shndërruar në deponi të mbeturinave plastike.
“Kjo është gjendja e shumicës së lumenjve të Kosovës, të cilët janë shndërruar në deponi të mbeturinave plastike, e për më keq edhe të mbetjeve shtazore. Këto fotografi janë bërë para pak ditësh nga qytetarë, kolegë tanë nga OJQ-të lokale dhe aktivisti për mbrojtje të mjedisit, Arian Mavriqi – Photography në Kamenicë, Lipjan, Istog, Pejë dhe Mitrovicë”.
“Për të gjitha këto krime mjedisore tanimë janë njoftuar komunat përkatëse, dhe ne po presim veprime konkrete! “, thuhet në postimin e KDI-së në Facebook. /Kosova.info/
