Laert Vasili për Gjestin: Fitoi një analfabet! (VIDEO)
Aktori dhe regjisori i njohur shqiptar, Laert Vasili, ka reaguar ashpër pas përfundimit të edicionit të fundit të Big Brother VIP Albania, duke kritikuar publikisht fituesin e këtij sezoni, Gjestin.
Në një deklaratë të drejtpërdrejtë, Vasili u shpreh se ishte i zhgënjyer nga rezultati dhe mënyra sesi publiku e përkrahu një personazh që, sipas tij, nuk përfaqëson vlerat që një figurë publike duhet të ketë. “Ky edicion u fitua nga një analfabet,” – tha Laert Vasili.
Vasili theksoi se sjelljet dhe fyerjet që i janë bërë gjatë kohës që Gjesti ishte në shtëpinë e BBV, kanë ndikuar negativisht në imazhin dhe karrierën e tij profesionale.
“Është prishur imazhi im, sidomos ai profesional. Ka pasur një sërë fyerjesh dhe provokimesh, që e kanë tejkaluar çdo kufi etike,” u shpreh Vasili, duke shtuar se do të vazhdojë të mbrojë integritetin e tij në çdo platformë publike.
Klipi ku Laert Vasili shpreh opinionet e tij rreth fituesit të BBV është në minutën 8:34.
Përplasja mes Laert Vasilit dhe Gjestit ka nxitur debat të madh në publik, me mbështetës të të dyja palëve që shprehin opinionet e tyre në komente, duke e bërë këtë një nga momentet më të përfolura pas përfundimit të Big Brother VIP Albania.
