maxresdefault

Lutfi Haziri e konfirmon se do të jetë kandidat i LDK-së për kryetar të Komunës së Gjilanit – RADIO STAR 96.4

Lutfi Haziri e konfirmon se do të jetë kandidat i LDK-së për kryetar të Komunës së Gjilanit – RADIO STAR 96.4


Kryetari i Degës së LDK-së në Gjilan, Lutfi Haziri, ka konfirmuar se do të jetë kandidati i vetëm për kryetar të Komunës, duke hapur zyrtarisht procesin e përgatitjeve për zgjedhjet lokale.

Në mbledhjen e Kryesisë së Degës, Haziri paraqiti draftin final të analizës së zgjedhjeve të 9 shkurtit dhe theksoi unitetin dhe përkushtimin e LDK-së për ta rikthyer Gjilanin si një qendër ekonomike, arsimore, të sigurisë, kulturës dhe sportit.

Statusi i plotë:

Bashkë e me dashni, Gjilanit do t’ia rikthejmë namin e një kryeqendre ekonomike, arsimore, të sigurisë, kulturës e sportit!

Në cilësinë e Kryetarit të Degës së Lidhjes Demokratike të Kosovës në Gjilan, si bartës i proceseve politike në komunë, në mbledhjen e sotme të Kryesisë, kam paraqitur draftin final të Këshillit të Degës për rezultatin zgjedhor të 9 shkurtit.

Përkundër trendit pozitiv dhe konfirmimit për deputet në Kuvendin e Republikës, LDK në Gjilan po vazhdon tani përgatitjet për zgjedhjet lokale.

Si Kryetar i Degës, kam pranuar komentet, kam miratuar analizën dhe raportin detaj të zgjedhjeve të fundit për Kuvend të Republikës, ndërkaq kemi filluar me procesin e përgatitjeve fillestare për zgjedhjet lokale.

Bashkë me Kryesinë e Degës, do ta bëjmë listën më përfaqësuese ndonjëherë, e cila do ta sigurtonte rolin e liderit në nivel komunal, derisa kandidati për Kryetar të Komunës do të jetë konsensual e i praniueshëm për ta rikthyer LDK-në edhe në ekzekutiv.

Përderisa unë jam kryetar i Degës, jam kandidati i vetëm për Kryetar të Komunës dhe sot kemi hapur procesin për këtë.

LDK në Gjilan ka unitet politik e funksional. Jemi një familje politike dhe kemi një qëllim të vetëm: rikthimin e madh të LDK-së në Komunën e Gjilanit.

Bashkë e me dashni, Gjilanit do t’ia rikthejmë namin e një kryeqendre ekonomike, arsimore, të sigurisë, kulturës e sportit!

Kliko lajmet posht

Leave a Reply

turqisht.com
Merrni njoftimet per lajmet e fundit PO JO