U hoqën përkohësisht për rregullim teknik – GazetaDemos

Në një video të publikuar gjatë ditës shihen disa persona me një kombi duke larguar një rrethoj ndarëse në rrugën Prishtinë-Fushë Kosovë, përkatësisht në Lakrishte në afërsi të rrethrrotullimit.

Lidhur me pamjet e publikuara, janë lajmëruar nga kompania “Selmans Network” e ka vendosur rrethojat në këtë hapësirë.

Kompania në fjalë përmes një sqarimi ka njoftuar opinionin publik se bëhet fjalë për një keqkuptim.

Ata kanë thënë se ky keqkuptim tani është zgjidhur edhe me Policinë por edhe me mediumin Indeksonline.

Sipas përfaqësuesve të kompanisë, njëra prej rrethojave është hequr përkohësisht për qëllime rregullimi teknik, ndërkohë që procesi i vendosjes së tyre do të vazhdojë deri tek rrethi, konform planit të miratuar më herët.

“Do ta vlerësonim shumë nëse videoja do të largohej ose të paktën të publikohej me një shpjegim të saktë,” thuhet në reagimin e kompanisë, duke shtuar se gjithçka është dokumentuar me fotografi të fazës së punimeve.